Zo bych zhonił, kelko ludźi zeserbšćene programy wužiwa a čehodla a kotre dalše přełožki so přeja, přošu was, zo byšće mały naprašnik wupjelnili.

NOWOTA! Firefox něnto teke dolnoserbski! Ześěgniśo dolnoserbsku wersiju woblubowanego wobglědowaka!

Browser Firefox serbsce

Što je Firefox?

Firefox je tak mjenowany browser, to je program, z kotrymž móžeće sej internetne strony wobhladać. Nawodne resp. najznaćiše browsery su Internet Explorer, Netscape Navigator, Mozilla a Opera.

Firefox je potomnik browseroweho komponenty něhdyšeje suity Mozilla. Na rozdźěl wot Mozilla, kotraž je tak mjenowana suita, t. j. pakćik programow, je Firefox luty browser, kotryž wšak je rozšěrjomny přez přidatki (programowe rozšěrjenja, za wudospołnjenje jeho funkcionality, a šaty, za přeměnjenje jeho zwonkowneho napohlada.

Oficielne web-sydło za Firefox je http://www.mozilla.org/products/firefox/. Tute strony su jendźelsce. Jeli chceće so němsce informować, wobhladajće sej wotpowědne němske web-sydło http://www.firefox-browser.de. Tam móžeće tež němskorěčny Firefox sćahnyć.

Firefox je za wšelake dźěłowe systemy (Windows, Linux, MacOS a t.d.). Dokładny přehlad namakaće na http://www.mozilla.org/download.html. Přehlad wo rěčnych pakćikach abo cuzorěčne wersije za Firefox namakaće na http://www.mozilla.com/firefox/all.html.