Dźakuju so dwěmaj njeznatymaj darićelomaj za jeju dar!
KEDŹBU! Nowy! Wersija 12.0 za Firefox nětko hornjoserbsce! Sćehnjenske wotkazy na tutej stronje nalěwo.

Serbski rěčny pakćik instalować

  1. Mozilla Firefox sćahnyć

    2. Zo byšće serbskorěčnu wersiju Mozille dóstali, dyrbiće dwě sćehnjeni přewjesć. Jedne sćehnjenje za programowe dataje Mozilla Firefoxa (poprawom jendźelska wersija za ZSA). A druhe za zeserbšćene dataje.

    • Programowe dataje sćahnyć

    Jendźelske programowe dataje wersije Mozilla Firefox 12.0 namakaće pod tutej adresu.

    • Serbskorěčne dataje sćahnyć

    Zeserbšćene dataje namakaće na tutej stronje.

  2. Serbski rěčny pakćik instalować

    3. Po tym zo sće programowe dataje programa Firefox (hlej horjeka) a dataje serbskorěčneho pakćika sćahnyli a program Firefox instalowali, móžeće nětko serbski rěčny pakćik instalować.

    Kedźbu: Čisle wersije programowych datajow a přisłušneho rěčneho pakćika dyrbitej jenakej być.

    Na př. za Mozilla Firefox wersiju 12.0 trjebaće tež rěčny pakćik wersije 12.0 Startujće za to Mozilla Firefox (hišće originalnu jendźelsku wersiju) a dźiće na File - Open File... W dialogowym woknje, kotrež so nětko wočinja, nastajće rjadowak, do kotrehož sće dataju firefox-12.0.hsb.langpack.xpi sćahnyli, wubjerće tutu dataju a wočińće dataju z kliknjenjom na tłóčatko Open.

    Potom klikńće na tłóčatko Install Now (z Cancel móžeće přetorhnyć) a sćěhujće instalaciju, doniž njeje zakónčena.

  3. Serbski pakćik aktiwizować

    4. Nětko móžeće serbski Firefox z přikazoweje linki abo ze zwiska na desktopje z opcijomaj -UILocale hsb startować, na př. C:\Programme\Firefox\firefox.exe -UILocale hsb. Město C:\Programme\Firefox\ dyrbiće wězo šćežku wužiwać, kotraž k městnu wašeje Firefox-instalacije wjedźe.

    Druha móžnosć je programowe rozšěrjenje Locale Switcher wot B. Smedberga. Za Firefox 12.0 dyrbiće tež Locale Switcher za Firefox 12.0 wzać. Instalacija so kaž z rěčnym pakćiku přewjedźe, z File - Open File.... Runje tak kaž rěčny pakćik so tute rozšěrjenje do poskitka Tools - Extensions (Nastroje - rozšěrjenja) zapisuje. Po znowastartowanju Firefoksa namakaće w poskitku Tools (Nastroje) zapisk Languages (Rěče) z podzapiskomaj Jendźelšćina (Zjednoćene Staty) a (jeli sće hižo serbski rěčny pakćik instalował) Hornjoserbšćina.