Dolnoserbski rěcny pakśik instalěrowaś

  1. Mozilla Thunderbird ześěgnuś

    2. Aby dolnoserbsku wersiju Thunderbirda dostał, musyśo dwě ześěgnjeni pśewjasć. Jadne ześěgnjenje za programowe dataje Mozilla Thunderbirda (pópšawem engelska wersija za ZSA abo teke wersija w drugej rěcy). A druge za dolnoserbske dataje.

    • Programowe dataje ześěgnuś

    Engelske programowe dataje wersije Mozilla Thunderbird 2.0.0.23 namakaśo pód tutej adresu.

    • Dolnoserbske dataje ześěgnuś

    Dolnoserbske dataje namakaśo na toś tom boku.

  2. Dolnoserbski rěcny pakśik instalěrowaś

    3. Za tym až sćo programowe dataje Thunderbird (glědaj górjejce) a dolnoserbski pakśik zesěgnuł a program Thunderbird instalěrował, móžośo něnto dolnoserbski rěcny pakśik instalěrowaś.

    Glědajśo: Cysle wersije programowych datajow a pśisłušnego rěcnego pakśika musytej jadnakej byś.

    Na pś. za Mozilla Thunderbird wersiju 2.0.0.23 trjebaśo teke rěcny pakśik wersije 2.0.0.23 Startujśo za to Mozilla Thunderbird (hyšći originalnu engelsku wersiju) a źiśo na File - Open File... W dialogowem woknje, kótarež se něnto wócynja, nastajśo zarědnik, do kótaregož sćo dataju thunderbird-2.0.0.23.dsb.langpack.xpi ześěgnuł, wubjeŕśo toś tu dataju a wócyńśo dataju z kliknjenim na tłócašk Open.

    Pótom klikniśo na tłócašk Install Now (z Cancel móžośo pśetergnuś) a ześěgniśo instalaciju, daniž njejo zakóńcona.

  3. Dolnoserbski pakśik aktiwěrowaś

    4. Něnto móžośo dolnoserbski Thunderbird z pśikazoweje smužki abo ze zwiska na desktopje z opciju -UILocale dsb startowaś, na pś. C:\Programme\Thunderbird-2.0.0.23\thunderbird.exe -UILocale dsb. Město C:\Programme\Thunderbird-2.0.0.23\ musyśo zawěsće sćažku wužywaś, kótaraž k městnoju wašeje Thunderbird-instalacije wjeźo.

    Druga móžnosć jo programowe rozšyrjenje Locale Switcher wót B. Smedberga. Za Thunderbird 2.0.0.23 musyśo teke Locale Switcher za Thunderbird 2.0.* wześ. Instalacija se kaž z rěcnym pakśikom pśewjeźo, z File - Open File.... Rowno tak kaž rěcny pakśik se toś to rozšyrjenje do menija Tools - Add-ons (Rědy - Dodanki) zapisujo. Pó znowegostartowanju Thunderbirda namakaśo w meniju Tools (Rědy) zapisk Languages (Rěce) z pódzapiskoma Engelšćina (Zjadnośone staty) a (joli sćo južo dolnoserbski rěcny pakśik instalěrował) Dolnoserbšćina.