Postowy program Mozilla Thunderbird dolnoserbski

Co jo Mozilla Thunderbird?

Mozilla Thunderbird jo samostatny pendant k postowemu klientoju wopśimjonemu w programowej suiśe SeaMonkey. Jo pśigódny za luźi, kótarež kšě raźej za wobglědowak resp. postowy klient rozdźělne programy wužywaś. Mozilla Thunderbird jo pótakem ako postowe wudopołnjenje k wobglědowakoju Mozilla Firefox myslony.

Oficielne websedło za Mozilla Thunderbird jo http://www.mozilla.org/products/thunderbird/. Toś te boki su engelske. Jolic cośo se nimski informěrowaś, wobglědajśo sebje wótpowědne nimske websedło http://www.thunderbird-mail.de. Tam namakaśo teke nimsku wersiju Mozilla Thunderbirda. Móžośo wšak dolnoserbski rěcny pakśik instalěrowaś, glědaj Kak dolnoserbski rěcny pakśik za Mozilla Thunderbird instalěrowaś?. Stej teke kompriměrowanej archiwowej wersiji za Windows a Linux. Za druge źěłowe systemy stoj teke w pśichoźe rěcny pakśik k dispoziciji.

Mozilla Thunderbird jo za wšake źěłowe systemy (Windows, Linux, MacOS a t.d.) a rěce. Dokradny pśeglěd namakaśo na oficielnem websedle (engelski).