|
Serbski rěčny pakćik instalować
Zo byšće serbskorěčnu wersiju Mozille dóstali, dyrbiće dwě sćehnjeni přewjesć. Jedne sćehnjenje za programowe dataje Mozilla Thunderbirda (poprawom jendźelska wersija za ZSA). A druhe za zeserbšćene dataje. Jendźelske programowe dataje wersije Mozilla Thunderbird 2.0.0.23 namakaće pod tutej adresu. Zeserbšćene dataje namakaće na tutej stronje. Po tym zo sće programowe dataje programa Thunderbird (hlej horjeka) a dataje serbskorěčneho pakćika sćahnyli a program Thunderbird instalowali, móžeće nětko serbski rěčny pakćik instalować. Kedźbu:
Čisle wersije programowych datajow a přisłušneho rěčneho pakćika dyrbitej jenakej być.
Na př. za Mozilla Thunderbird wersiju 2.0 trjebaće tež rěčny pakćik wersije 2.0. Startujće za to Mozilla Thunderbird (hišće originalnu jendźelsku wersiju) a dźiće na File - Open File... W dialogowym woknje, kotrež so nětko wočinja, nastajće rjadowak, do kotrehož sće dataju thunderbird-2.0.0.23.hsb.langpack.xpi sćahnyli, wubjerće tutu dataju a wočińće dataju z kliknjenjom na tłóčatko Open. Potom klikńće na tłóčatko Install Now (z Cancel móžeće
přetorhnyć) a sćěhujće instalaciju, doniž njeje zakónčena.
Nětko móžeće serbski Thunderbird z přikazoweje linki abo ze zwiska na desktopje z opcijomaj -UILocale hsb startować, na př. C:\Programme\Thunderbird-2.0.0.23\thunderbird.exe -UILocale hsb. Město C:\Programme\Thunderbird-2.0.0.23\ dyrbiće wězo šćežku wužiwać, kotraž k městnu wašeje Thunderbird-instalacije wjedźe. Druha móžnosć je programowe rozšěrjenje Locale Switcher wot B. Smedberga. Za Thunderbird 2.0.0.23 dyrbiće tež Locale Switcher za Thunderbird 2.0.* wzać. Instalacija so kaž z rěčnym pakćiku přewjedźe, z File - Open File.... Runje tak kaž rěčny pakćik so tute rozšěrjenje do poskitka Tools - Extensions (Nastroje - rozšěrjenja) zapisuje. Po znowastartowanju Thunderbirda namakaće w poskitku Tools (Nastroje) zapisk Languages (Rěče) z podzapiskomaj Jendźelšćina (Zjednoćene Staty) a (jeli sće hižo serbski rěčny pakćik instalował) Hornjoserbšćina. |